Երգչախմբային արվեստի համաշխարհային օր 2018

1990 թվականից Երգչախմբային արվեստի համաշխարհային ֆեդերացիայի նախաձեռնությամբ  յուրաքանչյուր  տարի՝ դեկտեմբերին, նշվում է Երգչախմբային արվեստի միջազգային օրը: Այդ օրը շուրջ 100.000 երգչախմբեր բոլոր մայրցամաքներից իրենց ելույթներով միանում են այս տոնին:

1994 թվականից Հայաստանը՝ «Հայ փոքրիկ երգիչներ միջազգային ասոցիացիայի» նախաձեռնությամբ,  միացել է այս շարժմանը: Տարիներ ի վեր հայաստանյան բարձրակարգ երգչախմբեր ելույթ են ունեցել  Հանրապետության հանրակրթական դպրոցների սաների համար Արամ Խաչատրյանի անվան մեծ համերգասրահում:

 2018 թվականից  «Հայ փոքրիկ երգիչներ»  միջազգային ասոցիացիան անցկացնում է տոնը  «Հայ երգչախմբային դիրիժորների ասոցիացիայի»  հետ համատեղ՝ Հայաստանի պետական մանկավարժական համալսարանի աջակցությամբ: Ձևաչափը փոխվեց և սկսեցին մասնակցել բացառապես սիրողական երգչախմբեր՝ Երևանից, տարբեր քաղաքներից:

Տոնը նվիրված էր Կոմիտասի 149-ամյա հոբելյանին, և երգչախմբերը կատարեցին բացառապես Կոմիտասի խմբերգերը:

2018թ.  դեկտեմբերի 17-ին,  տոնին մասնակցեցին թվով 13 երգչախմբեր՝

• «Արար»
• «Ագապէ» 
• «Դիվիզի»
• «Ովսաննա»
• «Կոմիտաս»
• «Էջմիածին»      
• «Ավե Մարիա»
• Զանգերի խումբ
• «Սեբաստացիներ»
• Ապարանի Սուրբ Խաչ եկեղեցու
• «Հայաստանի փոքրիկ երգիչներ»
• «Տավուշի Թեմի մանկապատանեկան»
• Սայաթ-Նովայի անվան երաժշտական դպրոցի
• Ալեքսանդր Աճեմյանի անվան երաժշտական դպրոցի
• Ալեքսանդր Սպենդիարյանի անվան երաժշտական դպրոցի